Pak rivé

Pak rivé

Tout pyé wara sèk

Pa menm gen roun ti wara tchou fandé

pou nou pasé anba nou dan.

Pa gen roun ti grenn wara ka pandriyé.

Menm agouti-a ka fété pak,

Yé ka ronyen tout wara ki tonbé.

Yé ka lésé grenn-a sèk pou nou.

Dipi déztrwa jou moun-yan kou “yen yen” anba dégra.

Toupatou ka fè cho.

Yé ka sasé légim pou fè yé bouyon wara.

Vandéz-ya ka fandé nou fwa.

Légim-ya pli ra ( ki ‘roun nèg aux yeux bleus’).

Mo pa menm ka bay zòt rotò ( ’la douloureuse’)!

I jik gen déztrwa moun ka fè bouyon wara véjétaryen

Yé té pouvé aplé’l lasoup wara

Oroyo! A yé zafè!

Annou manjé nou bouyon wara kréyòl

a li ki miyò!

Bon lafèt !