Lapli

Mo la ! Mo rivé !
Zòt té ka antann mo.
Zò té ka kriýé mo.
Mé mo ! mo rivé.
Pa vini pléré.
Pa vini babyé.
A mo lèr ki rivé.
Zòt krè mo té mouri.
Awa !
Mo la ! Mo pòkò mouri.
Mo ké montré zòt mo fors.
Mo ké charyé tousa ki ké pri an mo pyé.
Pa pléré
Pa kriyé
A pa pou fè zòt mechansté
A mo lèr ki rivé.
Zòt ké pouvé monté ké désann la rivyèr-a.
Zòt pa ké benzwen brigà ké zòt takari.
Dilo ké monté.
Poson ké pasé
Zozo ké pouvé bwè.
Lavi-a ké roudémaré.