Lapli ka tonbé...

Dipi bonmanten, lapli ka tonbé" chwaa,chwaa."

Li ka charyé tousa li trouvé asou so chimen.

Détan li ka tonbé"floup"

Nou pa menm ka gen tan wè koté li pasé.

Lò van ka vanté, to ka tandé"plèkètèk,plèkètèk"

Tòl ka volé alé vini.

Tout bagaj ka pran lanvòl “tchalanm"kou makak ka volé pyé bwa.

Rounlo moun ka rélé"anmwé”.

Gran moun-yan ka asiz"boudoum"

Yé ka mété yé lanmen asou yé tèt.

Oun ròtlo ka tonbé “bligidip”,yé ka rélé"woy"!

Yé ka pran yé pagra,yé ka ralé li" tchap"

Yé ka mété kouri atè.

Yé ka sasé kouman yé ké pouvé soti annan sa “lélékou-a”.

Yé ka èspéré ki pèrdan ké bay yé roun chans sové déztrwa(kannari,lélé golipo.. ).

Yé ka pran tousa yé pouvé mété annan yé panyen.

Yé pa gen tan"sigalé"

Ti moun-yan ka pran yé plézi.

Menm si tan-an maré,

yé ka"tchouboum"annan dilo larivyèr’a.

Yé ka plonjé"tchou pou tèt", yé"fouben"

yé pa mélé ké sa.

Yé pa ka sonjé tout malò lapli-a ka lésé dèyè so do.

(Pli ta,pli tris.)😩😩😩

Roseline N’Guyen Van Danh - 25/05/21