Lagwiyan ka pran fè

Lagwiyan andan oun benyenyen
Nou tchou anlè
Nou tèt anba.
Kisa ka pasé andan péyi a?
Tam tam kawka
Kout fizi ka fè siwawa.
Ti zozo ka séré
Timoun ka pléré.
Tout moun ròtbò lé fè lalwa.
Jandam gran sab,
jandam tibwa, koté zòt tout fika?
Moun-yan ka djokoti dèyè yé lafinèt.
Yé ka dronmi yé wey louvri.
Oun ti dézòrd ka fè yé pè.
Yé ka di:" lafen ka fè tig kité danbwa."
Oroyo?
Bayè bass,
bèf lé pasé.
Véyé dèyè chyen ké laché.
Bondjé di:" louvri bra".
Bondjé pa di: “pran kout bwa.”
A pa rounso nou ké rivé.
A bay lanmen pou nou sové.