Kréyòl

Palé kréyòl !

“Tan fè tan, tan lésé tan”

Nou toujou té ka tandé lékòl : “Pa palé kréyòl !”

Jòdla a tout roun wélélé.

Lajournen kréyòl,

Titalò a ké : mwa kréyòl,

Pitèt a roun bon kichoz ?

Mé a pa pou nou bliyé :

“Dèyè chyen a chyen,

mé divan chyen a Mouché chyen”

A pa pou konté dizé a tchou poul.

Nou abo anprann palé kréyòl

Nou abo palé kréyòl

Nou pa ké jen rivé mété kréyòl-a anlè.

“Ravèt pa jen gen rézon divan poul”

“Makak savé ki bwa li ka monté.”

Kréyòl a nou lanng,

mé i pa ké jen rivé

kont é kont ké fransé-a.

A briga pou nou briga.

Ounlo métrès lékòl ja ka fè débrouya.

“A piti piti toti ka monté montanny”