Kréyòl Senloran
Nou lévé annan mimi souk kréyòl-a.
“MO” toujou té ka briga ké “MWEN”
Roun pa té lé bokanté ké ròt.
Oroyo !
A kilakèl ki miyò?
Nou pa té pouvé chwézi.
Nou di : “Nou ké fè konran,
Pou mété tout moun dakò.
Roun jou , nou ké di : “MO”
Ròt jou nou ké di “MWEN”
Mé, ounlo moun di :
“A ki bankoulélé !”
“A roun trafalga !”
Yé trouvé a té trop zafè.
“Rézon pou chat ,rézon pou chyen.”
Pou pa biské pésonn,
pou yé arété babyé,
a la fen di kont,
nou rivé lélé tou lédé.
“Sa ki bon pou zwa bon pou kanna”
A pousa jouk jòdla Senloran gen so mannyè palé kréyòl pou li rounso.
Déztrwa ké di : “A pa kréyòl lagwiyann !”
“Les chiens aboient la caravane passe.”