Bèl fanm

Lò mo ka wè to pasé.
Ké to panyen pandriyé à to bra,
byen ganmé andan to kanmza,
Mo ka zwété to.
Mo tchò ka fè bidimbap.
Mo disan ka désann an mo pyé.
Mo djèp asou to.
A doudou ….
Mo ka di
Ki jou nou ké pouvé kontré ?
Ki jou mo ké pouvé kasé tibwa an to zorè ?
Ki jou nou ké pouvé vlopé kou dé zwézo

anba oun pyé wapa ?
Jòdla, jou a rivé.
Nou douvan Mouché Lémèr.
Nou ké pouvé lanmen andan lanmen,
wey andan wéy,
tchò andan tchò,
fè oun tibout chimen