A pa mo ki di
Jòdla syèl-a gri
Tan-an maré
Loraj ka grondé
Zéklè ka pété.
Menm si jòdla zòt do a do
To pa savé si dimen solyèl ké kléré pou to.
Tan-an kout,
Lavi-a pa di to.
Pa gadé dèyè,
A vansé pou to vansé.
Déztrwa ké di to :
“Un de perdu, dix de retrouvés”
Pa kouté mantò
“Palò an bouch pa charj.”
“Vyé kannari ka fè bon lasoup”
A pa mo ki di.
Misyé ka poté bizbomb
So tèt gro,
to pa savé sa ki anba li.
Chènn forsa ka pandriyé a so kou.
Kouté vyé moun.
“A pa gro chyen, ka fè chyen.”
Miyò bwè to dilèt andan kòkòy
Pa krè andan bòl fayans i ké pli dous.
Pa bokanté dizé milé pou frifri.
“L’habit ne fait pas le moine”
Jòdla syèl-a gri
Dimen soley ké kléré.
" ké pasyans léfan déboché takoko"