Tchò roun Manman
Tchò roun Manman A roun Gran pagra. Annan tchò roun manman Toujou gen plas pou so pitit I gen plas pou so lapenn I gen plas pou so lajwa I gen plas pou tout so lélékou.
Ki li vagabon Ki li gran grèk Ki li ababa Pésonn pa pouvé tchwé lanmou roun Manman pou sopitit « Pa gen lans koté yé ka jité mové pitit »
Tchò roun Manman A roun fouka pou pyé bakov A roun takari pou kannon Tchò roun Manman A roun confessionnal san monpè.
Pitit san Manman A roun pannyen san lans Pitit san Manman A roun angou san dilèt A roun kalalou san disèl.
Tchò roun Manman A Bondjé ki bay li Pésonn pa pouvé vandél'.
Tchò roun Manman , a miyò kado ki asou latè