TOULOULOU -A

TOULOULOU ! Fanm jòlòt
TOULOULOU !Fanm agasan
To ka bloublou sé wonm-yan
To ka tournen yé tèt
To ka amiyoné-yé.
KOTÉ TO SOTI?

Ounlo ka di : “to a di yé”
To fè oun lo chimen
To janbé lanmè
Pou to rivé òbò nou.
Pou nou té bay to oun non
Pou nou té morfwézé to an « TOULOULOU »

Yé ka di to sa oun fanm KARAIB
Apou yé savé
Nou pa benzwen pran tanbou ké ti bwa
Pou tout moun savé
Ki to sa nou fanmi
To sa lakras nou boyo.

Dipi diab té ti garson
To sa « Nou la rèn »
Pésonn pa ké pouvé tiré to koté to fika jòdla.
A pou yé briga ké nou
Nou ké défan to
Kou tig ka défann so pitit

TOULOULOU nou sa to manman
TOULOULOU nou kontan to
Kou mouch myèl kontan siro.
Menm si to sa oun «ti moun BATA»
To sa nou pitit.

Nou ké briga, nou ké senyen,
Yé pouvé biské, yé pouvé maté,
Yé pouvé soté, yé pouvé babiyé,
A la to fika dipi nanni nannan
A la to ké rété.

«Konplo nèg, a konplo chyen»
“Les chiens aboient, la caravane passe”